凱撒會美容中心突結業

職場孤獨

呢幾日收唔到教院電郵通知，相信個位同學唔係H1N1，虛驚一場。

上星期六小組，講職場分享，當負責人問我地唔考慮信仰角度，如果十分滿分既話，會俾自己既工作幾多分？點解值咁多分？扣分既原因響邊度？

輪到我講，我俾六分。因為有滿足感，睇見學生進步有成就感等等等等值六分，扣個四分呢？勞氣啦、勁多嘢做做到放工都要做啦，以及……跟同事關係都幾淡薄。

淡薄唔係指反面，其實響工作層面，同事之間都幾合作，同聲同氣；但係工作之外，都幾少溝通。舊時響永隆，番工時間經常吹D無聊既水（真係好無聊，但互吹後就friend左）；知道有同事下年可能冇得續約就幫佢睇報紙，甚至剪低有關廣告俾佢；得閒就約出去飲茶；甚至有時會送張金句卡互相鼓勵……

黎左何記五年，跟我同期入職都差不多離開晒，其他同事其實有佢地牢固既網絡，都幾難打入去佢地既圈子。永隆個種生活好耐都冇啦，有時自己去第二度同人傾野／做野，離開座位前仲見到其他同事響自己附近，當番到埋位，前後左右既同事可以完全消失！因為個個去晒食飯／放工……其實都覺得自己幾慘、幾孤獨。

有時諗，為左呢個原因辭職，會唔會好戇居？定係要重新為自己既人際關係定位？

最後一日上課

今日係我最後一日上課，不過，好趕。

朝早特登返學校派成績表。成班細路三個星期冇見，今日竟然全體出席外，仲好似同班失散左既兄弟重逢咁，係咁講講講，我同佘sir喝極都唔收聲。

放學後就打聽我班中四究竟有幾多升到上中五。結果4D個邊竟然全體升班，反而4B四個得番兩個……

派完成績表同做埋嘢就拿拿聲趕入大角咀上堂。今次係小組報告，比上次基礎課程好得多，起碼大家有貢獻，好過上次人人都唔識做／唔想做。可惜最尾其他組別突然有個組員發脾氣，都唔知佢咩事。咁大個人冷靜D啦！

咁就完左我十五日既全職學生生活，聽日又要返學校做教材……下學年既架構又大改，仲有要跟選修單元，睇怕我又冇暑假。

今日導師中途話隔離組有個學員懷疑感染H1N1，我地要等教院進一步證實，哈哈……如果真係感染，我呢個曾經同佢上過一節大課既同學要唔要家居隔離呢？

給阿誌的信

契仔：

你好！日夜顛倒的生活開心嗎？

最近我當回全職學生，感覺很快樂。雖然每日上課六小時，對我這個已五年沒有做全職學生，並且年紀漸老的我來說，這樣密集式的上課生活，的確蠻辛苦的。不過，我卻從未如此專注（替你追回分數的那個早上除外），因為，我找到方向了。

從此，我下決心，要讀特殊教育碩士課程。

要下這個驚人的決定，我要付出很多代價──我沒有金錢和時間返鄉下探木村拓哉、我放學還要趕入山卡啦的大學校園上堂、假期我要做功課之餘，仍需應付大量的工作（你知道校內的工作，真的多得要命嗎？）、我會斷六親（包括你）、我的睡眠時間減少、我因打電腦造成的背部勞損會日漸惡化、我要閱讀十年都不會／不想接觸的英文論文……

但，當我想起我的遺憾──沒法將你這個聰明仔發揮應有水平時──我想，我救不了你，也希望救到其他情況跟你相若的人。可是，我的知識實在很貧乏，我不知怎樣教……唯有進修，才有辦法幫助其他人。

這幾天狂煲陳奕迅的《還有什麼可以送給你》，我想就是這團火吧！希望這團火，能夠堅持下去！

最後，請你儲錢買一套西裝，因為我在2012或2013年畢業，想穿起碩士畢業袍，跟你這位大恩人合照。

契媽上

還有什麼可以送給你

尋晚一句說話，令我覺得好震撼。有D想法只係我一廂情願，我以為對你好，原來已經傷害左你。

還有什麼可以送給你？

送過你一剎 透明
也送過你一串 蛻變
我送過你一片 藍天空
或者未來難做到 更完美

梧桐將秋色 無私的給了多壯闊的地
然而想不起 剩下什麼給你
薔薇將春光 如一的給了最細緻的味
從此想起 遺憾不應給你
為何不捨不棄

送過你一次 旅程
也送過你一個 世界
我送過你一切 舊記憶
或者目前沉悶得 接近死

梧桐將秋色 無私的給了多壯闊的地
然而想不起 剩下什麼給你
薔薇將春光 如一的給了最細緻的味
從此想起 遺憾不應給你
懷疑不應一起

幾多想送你 最後送不起
或者只交得出勇氣 為你

悠然的秋色 是否欣賞過都會有點膩
然而想不起 剩下什麼給你
明媚的春光 是否不可以年年無限美
從此想起 遺憾不應給你
為何不捨不棄
懷疑不應一起
不應一起